As fraudes son xa o delito máis común en Internet. Preocupa o seu aumento, porque xa superan en número os roubos con forza nas casas.  Os expertos policiais coinciden en que o aumento dos ciberdelitos está ligado á súa alta rendibilidade económica, ao reducido risco para os autores e ao pouco custo dos equipos precisos para cometelos.

Porque contrariamente ao que se pensa, os delincuentes non atacan o sistema informático, senón as persoas, empregando técnicas de enxeñería social. Aínda que parezan de confianza, non respondan as mensaxes en que urxen dar contrasinais, datos bancarios ou persoais.