Lisboa foi testemuña da preestrea de 'Auga seca', unha nova serie coproducida pola Televisión de Galicia e a televisión portuguesa que poderemos ver a partir de febreiro.

"Penso que vai gustar moito ao público e vai chamar a atención no panorama audiovisual galego, portugués e español tamén", asegura Fernando Rodríguez Ojea, director da Área de Contidos da CRTVG.

'Auga seca', este novo thriller da Televisión de Galicia, esta rodado entre Lisboa e Vigo, e precisamente son os galegos e os portugueses os primeiros que poderán ver a serie antes da súa distribución mundial grazas ao interese dunha coñecida plataforma internacional.

"Son o inspector Viñas, grazas por vir tan pronto. Só quero saber o que lle pasou ao meu irmán. Asegúrolle que iso é o mesmo que queremos saber todos, señora Duarte".

Este é o punto de partida de ‘Auga Seca’, o irmán de Teresa, interpretada pola actriz portuguesa Vitória Guerra, aparece morto e a partir de aí veremos todo o que alguén pode facer por un irmán.

Pero para coñecer máis das tramas de 'Auga seca' haberá que estar atentos, en febreiro, ás pantallas da Televisión de Galicia.