Os mergulladores da Garda Civil atoparon o cadáver do home desaparecido no encoro de Vilasouto, no Incio. Trátase dun veciño de Sarria, de 69 anos, que lle deixou á súa familia unha nota en que indicaba a onde se dirixía. Xunto á presa localizaron o seu coche cos seus efectos persoais. A busca fíxose moi complicada debido a que a auga do encoro está moi turbia. O cadáver foi localizado contra as seis da tarde.