Ábrese unha nova vía de investigación no caso do crime de Déborah Fernández.A famila confirmoulle á Televisión de Galicia que os forenses atoparon fibras e cabelos baixo as unllas do cadáver, exhumado o pasado mes de maio.

Agora compararán eses pelos e fibras coas que atoparan hai 19 anos, cando apareceu o cadáver no Rosal, e tamén cos que recolleron no exame dun arcón conxelador en 2019. A familia ten tamén postas as súas esperanzas no exame do disco duro do ordenador de Déborah.