O Celta agarda o Barcelona. A cita é este sábado pola noite en Balaídos. Quedan tres xornadas para que remate a liga e nove puntos por xogarse.

O Celta pelexa por amarrar a permanencia ante o campión de liga. Recibe un Barcelona que entre esta semana e a que vén xoga unha praza para a final da Champions. O Celta espera que en Balaídos comparezan os suplentes. Aínda que iso, di Aspas, non é garantía de nada.