A taxa anual das vendas do comercio retallista rexistrou no mes de xuño un incremento do 1,1 por cento na comunidade autónoma de Galicia, segundo datos difundidos este mércores polo Instituto Nacional de Estatística (INE).

No conxunto do Estado, as vendas no comercio retallista incrementáronse o mes pasado case un 18 % con respecto de maio, un avance cara á recuperación tras o confinamiento, aínda que son un 3,3 % inferiores ás que se rexistraban en xuño de 2019.

As vendas baixan en taxa anual en doce comunidades autónomas en xuño e soben en cinco. As illas Baleares (-21,0 %), as Canarias (11,9 %) e Cataluña (-7,0 %) presentan os maiores descensos. Pola súa banda, o Principado de Asturias (3,7 %), a Comunidade de Madrid (1,6 %) e Galicia (1,1 %) rexistran os maiores aumentos.

As comunidades máis dependentes do turismo sufriron as maiores baixadas das vendas retallistas, con taxas anuais do -21,0 % nas Illas Baleares e do -11,9 % nas Canarias.

O emprego no comercio retallista baixou pola súa banda un 3,7 % con respecto a xuño de 2019 e é o maior descenso desde outubro de 2009.

O emprego do comercio retallista diminúe en todas as comunidades autónomas en taxa anual. No caso de Galicia esta caída no emprego é de 2,2 puntos, mentres que as illas Baleares rexistran a maior baixada (-11,3 %).