O transporte de ría entre Vigo e Cangas retoma a partir de hoxe todas as frecuencias na liña entre Vigo e Cangas. En total, a partir de hoxe opéranse 31 viaxes a cada sentido. Os barcos saen dende as 7 da mañá de Cangas e dende as 7 e media de Vigo e fano cada media hora. Tamén na fin de semana o transporte de ría volverá ofrecer as mesmas frecuencias que antes do estado de alarma. Os sábados haberá 16 viaxes en cada sentido e o domingo 15.

As navieiras foron ampliando as frecuencias en paralelo ás diferentes fases da desescalada e na actualidade a ocupación xa está ao 50 por cento.