CRTVG

Buscar

As mostras de solidariedade coa illa canaria multiplícanse por toda Galicia

Publicado o 03/10/2021 16:46

As mostras de solidariedade coa xente da Palma multiplícanse por toda Galicia. Nós queremos mostarlles dous exemplos. En Miño recollen produtos de hixiene nos supermercados da localidade, e en Pontevedra, unha pastelería decidiu doar toda a recadación do día para colaborar na reconstrución da illa.

Non quedou nada nas baldas. Foi o mellor final posible para unha xornada de traballo maratoniano. Case 6.400 euros viaxarán desde a pastelería Capri á illa da Palma para axudar a reconstruír vidas. Menchu e a súa filla Iciar tiñan claro que querían colaborar e buscaron a maneira de implicar tamén os seus clientes.

As redes sociais fixeron a maxia e choveron as encargas. No obradoiro duplicaron as horas de traballo e renunciaron a durmir. A recadación íntegra do día, máis do triplo que calquera outro sábado, vaise entregar á ONG Mensaxeiros da Paz.

A axuda que chegará desde Miño recibirana nas agrupacións de Protección Civil da illa. O Concello organizou unha recollida de produtos de hixiene e en todos os supermercados da localidade hai carriños nos que depositar as doazóns. A partir de mañá tamén recollerán toallas e roupa de cama no roupeiro municipal.

Noticias web

03/10/2021