A farmacéutica Moderna anunciou este luns que a súa vacina contra a covid−19 dá resultados prometedores para os nenos de seis a doce anos. Inxectáronllela a máis de 4.700 participantes nos ensaios clínicos. A maioría notou efectos secundarios leves. A principios de outubro, Pfizer e BioNtech solicitaron á Administración de Medicamentos e Alimentos estadounidense a autorización para usar a súa vacina en nenos de cinco a once anos. A semana pasada, Pfizer publicou que a efectividade da vacina nese grupo de idade é do 90 %.