A Feria do Queixo de Arzúa celébrase a fin de semana do 8 ao 10 de marzo. Fai este ano á sua edición número 44 con algunha novidade, entre elas a de invitar o público a 'queixear', é dicir, a interactuar coa festa e os seus valores, non só a comer queixo.

O alcalde de Arzúa e organizadores da feira avanzaron hoxe o programa, que inclúe, entre outras actividades, actuacións de Heredeiros da Crus e Los Secretos, rutas, talleres e concurso de carteis.

No recinto ferial vai haber 51 queixerías da Denominiación de Orixe Protexida Arzúa-Ulloa que se van distribuír en 70 postos. Tamén está prevista unha zona de produtos gourmet de todo tipo, non só lácteos.