Os candidatos a liderar Ciudadanos confrontarán hoxe nun debate os seus modelos de partido. Inés Arrimadas e Francisco Igea expoñerán os seus proxectos para tratar de convencer os afiliados, que a próxima fin de semana elixirán o novo presidente de Ciudadanos.

Tras as súas discrepancias públicas, a voceira parlamentaria e o vicepresidente de Castela e León mostraran a súa disposición para este debate, que se celebrará na sede de Ciudadanos, nun formato só para a militancia.