Hoxe no Bos días falamos con Antón Costas, economista e presidente da Fundación Círculo de Economía que participa por segundo ano no Foro da Toxa, e esclarecemos algunhas cuestións sobre a reconstrución económica.

Ao preguntarlle polos ERTE di que son "remedios a curto prazo", pero matiza que isto non é "nada malo". É importante que os gobernos foran rápidos e decididos á hora de poñer en marcha mecanismos que permitiran manter as relacións laborais, segundo Costas.

Os ERTE son medidas necesarias, pero teñen riscos, di o economista. Se a pandemia prolonga e temos que alongar o apoio de empregos que pode que non teñan continuidade, "o risco é que dentro de seis meses estemos mantendo empresas zombi", explica.