Anova define na Asemblea Nacional o seu programa político e posteriormente a fórmula de concorrencia de cara ás próximas eleccións autonómicas. Apostan por ser parte dunha alternativa política que sume con outras formacións de esquerdas.

Na xuntanza renóvase a Coordinadora, á que se presenta unha única candidatura encabezada polo actual portavoz, e na que tamén figuran Martiño Noriega e Xosé Manuel Beiras.
Antón Sánchez insistía en que a cidadanía galega está sufrindo o retroceso de dereitos sociais e laborais e o "colapso", dixo, na xestión pública do Goberno de Núñez Feijoo. Ante esta situación ve necesario que Anova forme parte dunha alternativa política de unidade popular, sempre que as negociacións se fagan entre iguais.