CRTVG

Buscar

Anos sen poder descansar, nin de día nin de noite, polos ladridos dos 40 cans dun veciño

Publicado o 22/03/2021 14:32

Os veciños de Feás, unha zona residencial do concello de Lalín conviven cos ladridos duns cans. A causa está no interior dunha parcela onde aseguran hai arredor de 40 cans ás dúas tres da mañá non paran de ladrar, contan os afectados.

Din que o ruído dos ladridos é constante e que por momentos se fai insoportable. Os máis proximos á propiedade levan anos sen durmir.

"O meu cuarto da cara atrás, xusto cara onde estan os cas. E aturalos ás tantas da madrugada. Como non van molestar?, di unha das veciñas afectadas.

Algúns veciños pediron ao propietario dos cans unha solución que nunca chegou. Cansos de aturar o ruído, presentaron o pasado mes de decembro un escrito e sinaturas ao Concello para que interveña nesta situación.

A Lei de proteccion e benestar animal de Galicia concreta que non existe un límite de animais nunha vivenda, pero a posesión de máis de cinco da especie canina estará sometida á obriga da comunicación previa á consellería competente. Desde o Concello aseguran que o expediente está en fase de tramitación á espera do informe dos técnicos que lle permita tomar unha decisión.

Noticias web

22/03/2021