CRTVG

Buscar

Ana Peleteiro, medalla de bronce en triplo salto nos Xogos Olímpicos de Tokyo

Publicado o 01/08/2021 14:33

• Acada o bronce coa mellor marca española de todos os tempos (14,87) Ribeira vibra co bronce olímpico da atleta galega

Ana Peleteiro, medalla de bronce en triplo salto nos Xogos Olímpicos de Tokyo

A galega Ana Peleteiro logra a medalla de bronce cun mellor salto de 14,87 metros, nunha proba en que a portuguesa Patricia Mamona logrou a medalla de prata e a venezolana Yulimar Rojas, medalla de ouro con 15,67 m., nova marca olímpica e mundial.

Grazas ao seu quinto salto de 14,87 m. fixo a mellor marca española de todos os tempos, e subiu ao terceiro chanzo do podio, a catorce centímetros da prata, nunha proba na que bateu en dúas ocasións a súa propia marca persoal.

Outro atleta galego, o viveirense Adrián Ben, logrou clasificarse para a final dos 800 m. lisos, proba na que será o primeiro representante español nunha final olímpica desta distancia.

Felicitacións pola medalla olímpica

A atleta galega recibiu os parabéns da Casa Real, ademais dos do Presidente do Goberno estatal, Pedro Sánchez, e do da Xunta, Alberto Núñez Feijóo. A voceira do BNG, Ana Pontón, e o líder do PSdeG, Gonzalo Caballero, tamén loaron os logros da deportista.