A vicepresidenta segunda do Congreso dos deputados e ex-ministra de Sanidade, Ana Pastor, anunciou este mércores que deu positivo nas probas do COVID-19.

"Onte deume positivo a proba do COVID-19, polo que continuarei na miña casa os días que me indiquen os meus colegas. Eu estou perfectamente ben, sen febre nin outros síntomas", anuncia a propia Pastor en dúas mensaxes colgadas na súa conta de Twitter.

Desde el sábado por la tarde que tuve fiebre he permanecido en casa siguiendo las indicaciones médicas. Ayer me dio positivo la prueba del COVID-19 por lo que continuaré en mi casa los días que me indiquen mis colegas. Yo estoy perfectamente bien sin fiebre ni otros síntomas.

— Ana Pastor Julián (@anapastorjulian) March 11, 2020

A dirixente popular precisa que desde o pasado sábado permanece na súa casa "seguindo as indicacións médicas".

Así mesmo, lanza unha mensaxe de tranquilidade e lembra que "temos unha excelente sanidade e magníficos profesionais".