O xigante do comercio electrónico Amazon merca a Metro Goldwyng Mayer. A compañía do multimillonario Jeff Bezos queda cos estudios de Hollywood por case 8.500 millóns de dólares. E consegue un prestixioso catálogo audivisual, que suma máis de vinte mil títulos para o seu servizo Prime, onde destaca con luz propia James Bond.

No seu momento de esplendor, a Metro presumía de ter máis estrelas que o ceo, pero agora levaba tempo á procura de comprador. Amazon busca posicionarse así no consumo de audiovisual en streaming competindo con Netflix e Disney.