Alivia a presión hospitalaria (-85), coas UCI aínda por riba dos niveis da primeira vaga
• Os casos activos baixan a niveis de mediados de xaneiro
• A positividade mantense arredor do 5 %
Continúa o descenso da curva nesta terceira vaga. Segundo os últimos datos do Sergas, hai 12.464 casos activos (-588), tras 359 novos contaxios detectados, 310 por PCR.
Por áreas sanitarias:
A Coruña: 3.844 (-120)
Vigo: 1.935 (-94)
Santiago: 1.6810 (-79)
Pontevedra: 1.634 (-91)
Ourense: 1.109 (-108)
Lugo: 1.129 (-42)
Ferrol: 1.203 (-54)
Importante baixada nos hospitalizados
No que respecta ás hospitalizacións, hai 931 ingresadas no país (-65), a cifra máis baixa dende o 21 de xaneiro: 746 en planta (-46) e 205 nas UCI (-19). Así, Galicia volve estar por debaixo do milleiro de hospitalizados.
Onte o Sergas notificou o falecemento de 28 persoas nos últimos días, o cal eleva a cifra de vítimas en Galicia a 2.124.
Positividade por debaixo do 5 %
As cifras de positividade oscilan lixeiramente arredor do 5 %, o limiar máximo da OMS para dar por controlada a situación epidemiolóxica. Está no 4,97 %, logo de que deran positivo 310 das 6.232 probas PCR realizadas.