Co Albacete e mailo Castellón xa descendidos, Sabadell, Logroñés e Alcorcón pelexarán por evitar, canda o Lugo, as dúas prazas de descenso que sairán desta última xornada. Só os galegos e mailo Alcorcón dependen de si mesmos para manter a categoría. Os de Anquela, a un punto da liña vermella, reciben na casa o Espanyol.

Juan Antonio Anquela. Adestrador do AD Alcorcón "É o primeiro e iso non se regala. Equipo con futbolistas de primeira división que fixo temporada magnífica. Aínda lles queda poñerlle a guinda ao pastel. Pero esa guinda a nós non nos interesa para nada."

Con 44 puntos, o Logroñés abre os postos de descenso. Medirase coas Palmas nesta última cita. Necesita gañar e que os marcadores non acompañen os seus rivais na pelexa pola salvación.

 Sergio Rodríguez. Adestrador da UD Logroñes "Sabemos que os resultados doutros campos nos afectan. Temos que sacar un bo resultado e agardar a ver que fan o resto."

O Sabadell, con 43 puntos, é o que máis cara ten a estancia na Segunda División. Tras pasar na zona de descenso grande parte da temporada, xogará as súas últimas cartas ante o Mirandés.