Alcoa informou hoxe os traballadores de que son catro os compradores que seguen interesados na planta de aluminio primario da Mariña de Lugo. O resto dos que se presentaron non deron polo momento ningún paso. Onte a ministra anunciou que vai viaxar a Estados Unidos para desbloquear a venda.

O vicepresidente económico da Xunta, Francisco Conde, aludiu con escepticismo á viaxe anunciada pola ministra de Industria e pediu unha maior implicación do Goberno central no proceso para asegurar a venda da factoría.

"Esta viaxe a Pittsburgh foi a mesma proposta que a ministra trasladou no ano 2018 con Alu Ibérica e lamentablemente esa viaxe nunca se produciu. Parece que o Goberno quere cometer os mesmos erros. Necesitamos que haxa unha determinación por parte do Goberno se realmente quere tutelar o proceso de venda de Alcoa", dixo Conde.