Os alcaldes da raia mobilizáronse para pedir máis pasos fronteirizos entre Galicia e Portugal. Lembran que o peche de fronteiras prexudica os traballadores, que deben dar rodeos de ata cen quilómetros para acceder aos seus postos, xa que só os pasos de Tui e Verín están abertos as 24 horas.

Rexedores de todas as cores políticas e membros de institucións da Eurorrexión reuníronse na Ponte Vella de Tui para esixirlles aos gobernos portugués e español máis mobilidade na fronteira.