Os investimentos para afrontar a covid-19 non serven para aumentar a ocupación. Nos dous primeiros meses do ano non chegaron a Santiago nin un cento de peregrinos. Os albergues situados ao longo do percorrido están baleiros polo coronavirus.

Hai establecementos que levan baleiros tres meses, malia investir para ter todas as medidas necesarias para garantir a seguridade sanitaria entre os seus usuarios, como a redución de ocupación, o xel hidroalcólico e as pantallas de separación. As expectativas deste ano son pesimistas vendo como foi o ano pasado.

Mariano Quintana, dono dun albergue di: "Xullo foi fatal. Agosto foi como un mes de inverno. Reactivouse un pouco e permitiunos seguir adiante, pero a partir de aí xa outubro, novembro e decembro houbo un cinco por cento de ocupación".