CRTVG

Buscar

Advirten de que Irán está aumentando as súas capacidades nucleares

Publicado o 23/02/2021 18:51
Advirten de que Irán está aumentando as súas capacidades nucleares

Irán está a enriquecer uranio en maior cantidade e pureza da acordada no acordo nuclear de 2015, mentres está a ampliar os seus recursos atómicos, advertiu este martes o Organismo Internacional de Enerxía Atómica (OIEA).

No seu máis recente informe sobre Irán, a axencia nuclear da ONU precisa que a República Islámica dispón actualmente de 2.967,8 quilos de uranio enriquecido (10 veces máis do pactado), unha pequena parte dos cales (17,6 quilos) cunha pureza de ata o 20 %.

Os inspectores do OIEA alertaron que Irán aumentou o número das súas centrifugadoras máis modernas e rápidas para producir uranio enriquecido, un material que ten uso civil, pero tamén militar para fabricar bombas. 

 

Noticias web

23/02/2021