O Administrador de Infraestruturas Ferroviarias (ADIF) investirá 546,4 millóns de euros en actuacións orientadas a modernizar a liña ferroviaria entre Lugo, Monforte e Ourense ante a inclusión deste último tramo no Corredor Atlántico de Mercadorías e a conexión da Cidade das Murallas coa rede de alta velocidade.

As obras, entre as que destacan a electrificación, renovación de infraestrutura e vía, a implantación de novas instalacións de seguridade, control de tráfico e telecomunicacións ou a construción do novo túnel de Oural; foron presentadas este venres en Monforte (Lugo) pola presidenta da Adif, Isabel Pardo de Vera, acompañada no acto polo presidente provincial e alcalde monfortino, José Tomé, e o secretario xeral de Infraestruturas, Sergio Vázquez.

O investimento previsto pola Adif é de 546,4 millóns de euros durante o período 2021-2023, no que se pretende mellorar a "fiabilidade e competitividade" da liña pola inclusión do tramo Ourense-Monforte no Corredor Atlántico de Mercadorías e a chegada da conexión de Lugo na rede de alta velocidade. "Sacamos a esta provincia do recuncho do esquecemento no que levaba uns anos e pasamos do vou facer ao facemos", sinalou Sergio Vázquez, quen resaltou que en "pouco máis de dous anos case se triplicaron" os investimentos na provincia de Lugo "pasando de 132 entre 2006 e 2018 a 303 millóns de euros entre 2018 e 2021".

Pola súa banda, Isabel Pardo de Vera ha apupntado o "factor de igualdade" e "cohesión territorial" que supón a mobilidade que, para o Adif, "excede o acoutado concepto do transporte de viaxeiros e bens" e supón un elemento "transversal" para "o tecido produtivo, o turismo, a cultura e o coñecemento". Por último, o alcalde monfortino e presidente da Deputación de Lugo, José Tomé, cualificou de "histórica" a xornada para a provincia de Lugo, que "volve estar no mapa das infraestruturas de Galicia e de España".

En concreto, o plan de actuacións anunciado para os 117 quilómetros do corredor  persegue modernizar a liña a través de, entre outras obras, a electrifiación dos tramos, que se realizará seguindo criterios ambientais e suporá unha redución nos custos operativos, co que, segundo incide o Adif, preténdese dotar de máis competitividade este transporte respecto dos traxectos por estrada.

. Así as cousas, as obras previstas son a adaptación da electrificación en ambos os tramos, a renovación de 104 pontes, 12 pasos superiores, nove estaciones e 21 túneles --incluída a execución do novo tunel de Oural-- ou a renovación da vía e outros elementos como o carril, as travesas ou o balasto. Tamén contempla a ampliación de dúas vías de apartado (Monforte Porto Seco e Os Peares), co que poderán circular trens de 750 metros; e a supresión de 35 pasos a nivel.

Para a eliminación destes pasos --repartidos entre Ourense (2), Monforte de Lemos (5), Sarria (14) e Lugo (14)-- está prevista un investimento de 30 millóns de euros. Así mesmo, está planeada unha nova variante de trazado que de continuación á da Pobra de San Xiao (Lugo) na que destaca a eliminación de 14 pasos a nivel e o incremento da velocidade de paso dos trens até os 160 quilómetros hora.

Por último, os tramos contarán coa instalación de sistemas de seguridade e control de tráfico (ASFA dixital, sinalización e enclavamientos) e telecomunicacións.