Un incendio forestal en Quiroga queimou máis de 140 hectáreas na contorna de Montefurado. Na zona traballaron un avión, sete helicópteros, sete camións motobomba, catorce brigadas de bombeiros forestais e seis axentes medioambientais. As lapas chegaron preto da aldea do Ermidón, ameazaron tamén a Nacional 120 e a liña ferroviaria entre O Barco e Monforte.

O incendio forestal declarouse ás cinco e media da tarde de onte, mércores.