Abanca obtivo un beneficio de 137 millóns de euros no primeiro trimestre do ano, o que supón un incremento do 8,2 % respecto ao mesmo período do ano anterior, segundo informa a entidade a través dun feito relevante á Comisión Nacional do Mercado de Valores. 

O pasado febreiro, o banco que preside Juan Carlos Escotet presentou os resultados para 2020, exercicio en que se anotou unhas ganancias de 160 millóns logo de dedicar 273 a provisións.