A xustiza avala o confinamento nun hotel o pasado mes de xuño dos estudantes do macrogromo de Mallorca. O Tribunal Superior de Xustiza das Baleares considera que a medida foi proporcionada ante un grave problema de saúde pública. Contradí o xuíz de primeira instancia que anulou a decisión. Di que este carecía dos coñecementos epidemioloxicos para tumbar a decisión da directora xeral de Saúde Pública que está sendo investigada por este caso a raíz da denuncia duns pais..

A sentenza considera que o Goberno balear actuou de xeito correcto ao confinar os positivos e os seus contactos. O macrogromo de Mallorca afectou milleiros de estudantes de toda España, entre eles varios centos de rapaces galegos. Foi un dos desencadeantes da quinta vaga do virus ao contribúir á expansión da variante delta, ata daquela minoritaria en España.