A Xunta traballa no deseño dun "plan específico" para o comercio galego, con xestos e medidas que xeren confianza e impulsen a demanda. 

Así acaba de trasladárllelo o conselleiro de Economía, Emprego e Industria, Francisco Conde, ao presidente da Federación Galega de Comercio, José María Seijas, e a representantes das federacións provinciais, cos que tivo unha xuntanza telemática. 

O presidente da Xunta, Núñez Feijoo, demandará na conferencia de presidentes que se poida retomar canto antes certa actividade comercial de xeito seguro, con limitacións de aforo ou cita previa.