Nas últimas horas superouse a cifra dos 40.000 peregrinos chegados este ano a Santiago. Así o dixo o vicepresidente primeiro da Xunta, que agarda pechar este 2021 con máis de 100.000 visitantes.

Alfonso Rueda asinou o protocolo de acondicionamento do centro de saúde de Arcade como área de descanso para os peregrinos e veciños de Soutomaior. Este é un dos enclaves singulares do Camiño Portugués, que está a experimentar un gran crecemento nos últimos anos.