A Xunta pídelle ao Goberno central que concrete e axilice as medidas para facilitar a compra de vehículos máis eficientes.

O conselleiro de Economía, Emprego e Industria fixo este chamamento tras participar na constitución da mesa da automoción para desenvolver o plan de impulso ao sector anunciado dende a Moncloa.

Francisco Conde lembrou que Galicia ten un compromiso coa dixitalización e a mobilidade sustentable a través do coche eléctrico e do coche impulsado por hidróxeno verde, pero demandou unha estratexia común para identificar proxectos de futuro.