Se vostede foi un dos cidadáns interesados en adquirir un dos bonos turísticos da Xunta e non puido conseguilo, saiba que é posible que teña outra oportunidade. Ante o éxito e a gran demanda da iniciativa, non se desbota a posibilidade de sacar unha nova tanda máis adiante. Así o confirmou o vicepresidente da Xunta, Alfonso Rueda, no programa A revista, da Televisión de Galicia.