O Goberno galego pon en marcha a maquinaria para levar o Executivo central aos tribunais. Galicia reclama a débeda que ten pendente: 200 millóns de euros. Cartos, di o presidente Feijóo, de todos os galegos. 

A semana que vén enviaralle o requirimento ao Ministerio de Facenda. Se nun mes non hai resposta, ou se a resposta é negativa, a Xunta presentará un recurso contencioso-administrativo.

Os socialistas galegos defenden que a vía xudicial non é o camiño para reclamar a débeda. Caballero di que hai que esforzarse e colaborar co Goberno central.