A transformación dixital xa comezou nas aulas galegas, pero a aprobada hoxe á a folla de ruta da próxima década. "É un documento amplo que abrangue a toda a comunidade. Para os tres primeiros anos ten un presuposto de 120 millóns de euros", explicou o presidente da Xunta, Alberto Núñez Feijóo.

O obxectivo é educar para a vida dixital e que ningún alumno quede atrás no proceso de dixitalización, que á vez debe servir para loitar contra o reto demográfico. A estratexia contempla doce accións en todas as áreas académicas que involucran toda a comunidade educativa.

Dende unha aula virtual intelixente ata actividades extraescolares virtuais. Amais, todos os centros educativos contarán con polos creativos que servirán de referente para clubs de ciencia ou robótica.