Europa di que o AVE entre Madrid e Galicia non estará operativo ata 2022, un ano despois do defendido por Fomento. É o prazo que lles deu o Goberno central, para a posta en servizo da liña. Un baile de datas do que a Xunta agarda explicacións esta tarde, cando Ábalos estará en Galicia.

Alfonso Rueda entende que "visita Galicia cando a Unión Europea acaba de dicir que os prazos que el estaba anunciando non son verdade. Creo que entenderá que algunha explicación nos debe. Sobre todo contar a verdade e que saibamos definitivamente cando vai estar o AVE e cales van ser as compensacións para Galicia por ese novo atraso".

Rueda lembra que a demora coincide cos informes que barallaba o Goberno da Xunta e lamenta que, de confirmarse este novo atraso, o AVE galego non estaría operativo no Xacobeo.