EP

O Xulgado de Primeira Instancia número un de Lugo desestimou o recurso interposto contra o auto que procesa por dous delitos de asasinato, un de roubo con violencia nas persoas e un delito de tenza ilícita de armas o único investigado polo dobre crime do Cash Record.

En concreto, o suceso tivo lugar fai 27 anos no polígono do Ceao, onde faleceron, despois de ser tiroteados, unha caixeira e un repoñedor do establecemento. O único sospeitoso é un hostaleiro que reside en Burgos e que no momento dos feitos rexentaba o bar Los Ángeles, na Rúa Nova de Lugo.

Nunha resolución da que informou o Tribunal Superior de Xustixa de Galicia (TSXG) e contra a que cabe presentar recurso de apelación, a xuíza asegura que os "indicios racionais de criminalidade" contra o recorrente, que é a única persona que estivo investigada por estes feitos, "seguen intactos" desde que o pasado 30 de xuño ditou o auto de procesamiento.