Este luns oficiouse o funeral pola muller asasinada na Pastoriza. Á parroquia de Crecente chegaron dous coches fúnebres. Nun ía Manuela Iglesias, de 79 anos, primeira vítima mortal da violencia machista en Galicia neste ano. No outro trasladaban o corpo do seu home e agresor, Hortensio Ónega.

Os dous cadaleitos entraron xuntos na igrexa e ambos repousan xa no mesmo cemiterio. O xulgado de Mondoñedo non autorizou a incineración dos corpos por se fose preciso practicar algunha proba.

A familia achaca o crime a un brote psicótico que poido sofrir o ancián debido a demencia que padecía e nega que se trate dun caso de violencia machista.