CRTVG

Buscar

A variante británica supón xa máis do 80 por cento dos casos de covid-19 en Galicia

Publicado o 23/03/2021 16:23

Detrás do aumento dos contaxios está a variante británica, que xa é a predominante en Galicia. Calcúlase que supón xa máis do 80 por cento dos casos de coronavirus no país.

As probas de secuenciación do xenoma son as que permiten identificar a variante. Os servizos de microbioloxía que realizan o proceso constatan que a variante británica é maioritaria na nosa comunidade. Os expertos falan do seu poder de transmisión.

Moi pendentes están as autoridades sanitarias, xa que a evolución da pandemia depende desta variante, moito máis contaxiosa.

Respecto á vacina, a mensaxe é tranquilizadora, xa que xeran anticorpos con capacidade para bloquear a variante inglesa.

A variante xurdiu o outono pasado no Reino Unido e axiña se propagou por todos os países de Europa. Os expertos falan dunha relación directa entre esta variante e a repunta nos contaxios.

Noticias web

23/03/2021