A Unión Europea asina o acordo para a súa futura relación co Reino Unido
A presidenta da Comisión Europea, Ursula von der Leyen, e o presidente do Consello Europeo, Charles Michel, asinaron este mércores os tres tratados que regularán a partir deste venres a relación entre a Unión Europea (UE) e o Reino Unido.
A firma prodúcese despois de que ambas as partes lograran en Noiteboa un acordo 'in extremis' sobre os seus vínculos tras o 'brexit', tras uns meses de negociación agónica.
Na xornada de hoxe rubricaranse o Acordo Comercial e de Cooperación entre a UE e a Comunidade Europea da Enerxía Atómica (Euratom), dun lado, e o Reino Unido, do outro; o acordo sobre procedementos de seguridade para intercambiar e protexer información clasificada entre a UE e o Reino Unido, e o acordo para a Cooperación para os Usos Seguros e Pacíficos da Enerxía Nuclear, entre Euratom e o Reino Unido.
Today, @eucopresident and I signed the EU-UK Trade and Cooperation Agreement.
— Ursula von der Leyen (@vonderleyen) December 30, 2020
Prime Minister @BorisJohnson will sign it later today in London.
It has been a long road. It’s time now to put Brexit behind us.
Our future is made in Europe. pic.twitter.com/fjybWryJNY
Cada acordo vai ser asinado en dous exemplares, primeiro en Bruxelas por Von der Leyen e Michel -salvo o terceiro, que só asinará a presidenta da CE en nome de Euratom-, e despois en Londres polo primeiro ministro británico, Boris Johnson.
