A falta de vacinas desatou a carreira entre países para conseguir as doses dispoñibles. A Unión Europea acusa incluso a farmacéutica AstraZeneca de revender partidas que lle correspondían aos países europeos. 

Desatouse a guerra das vacinas e a Comisión analiza se a farmacéutica AstraZeneca vendeu vacinas que xa tiña comprometidas con Bruxelas a outros países. A comisaria europea de Sanidade ameaza incluso con accións legais. E é que a Unión está a piques de darlle o visto e prace a esta vacina e a estas alturas case non quedan doses no laboratorio. AstraZeneca di que ten problemas de distribución, pero a explicación non convence a Comisión Europea e a Comisión acúsaos de falta de claridade.