A terceira dose da vacina de Pfizer segue causando efectos secundarios moi lixeiros. Confirmouno un estudo en que participaron máis de 12.000 persoas nos Estados Unidos. Posibles décimas de febre, malestar xeral e inchazón no lugar da picada. É a conclusión dun estudo do Centro de Control e Prevención de Enfermidades.

Por agora, arredor de 20 millóns de americanos poden optar á dose de reforzo de inmunización, que baixa un pouco aos seis meses. O presidente do país, Joe Biden, recibiu a súa esta semana.