Os coches cambian a ruta e cédenlles o protagonismo aos peóns. As fins de semana os semáforos carecen de utilidade en Santo Andrés, unha rúa viva, salpicada de terrazas e transitada por persoas que agradecen o espazo extra para moverse pola cidade sen agobios e sen présas.

Cando o tempo acompaña, como sucedeu hoxe, non hai sitios libres nas terrazas. Que Santo Andrés sexa peonil os sábados e os domingos beneficia os hostaleiros da propia rúa e tamén os das rúas máis próximas. "A xente pasea ,sae cos patíns e goza da rúa", comenta Ángel Brey, propietario do Café de Macondo.

Espazo recuperado para as persoas nunha cidade que quere ser máis amable.