Ribeira respira algo máis aliviada logo da baixada de contaxios dos últimos días. Con todo, os veciños da localidade non baixan a garda e seguen sendo cautos.

Malas condutas como os botellóns que seguen producíndose as fins de semana e que obrigan a policía a intervir poden poñer en perigo o descenso dos contaxios.

Segundo os últimos datos, tanto Ribeira como a maioría dos concellos da Barbanza melloran a súa situación epidemiolóxica e queren deixar atrás a quinta vaga da pandemia.