A Raíña presidiu no Congreso a homenaxe a Clara Campoamor no 90 aniversario do voto feminino. As presidentas do Congreso e do Senado e mais a vicepresidenta primeira do Goberno foron as encargadas de recibir a dona Letizia para a conmemoración, en que non estiveron presentes os partidos nacionalistas.

O BNG rexeitou acudir porque considerou que se trataba dun acto para "branquear a monarquía". Na cámara baixa colocouse o escritorio e varios obxectos persoais da deputada impulsora do dereito ao voto das mulleres.