A raíña Letizia e as ministras de Industria e Igualdade apoiaron hoxe o papel da muller no comercio exterior. Asistiron as tres á presentación do informe que fixeron conxuntamente administracións e empresas para acabar coa discriminación feminina no sector.

O documento destaca o papel das mulleres na internacionalización da economía española e pretende fomentar a presenza feminina no comercio e que as súas empresas poidan ter acceso ao mercado exterior.

Actualmente en España só o 15 por cento das pemes exportadoras a escala mundial son propiedade de mulleres.