CRTVG

Buscar

Galicia confirma unha morte máis pola covid-19 nun día en que baixou a presión hospitalaria

Publicado o 09/04/2021 10:12

• Non había tan poucos pacientes en UCI dende o 31 de agosto

• Hai oito casos activos máis

• A área sanitaria de Vigo supera a da Coruña como a máis afectada polo coronavirus

Galicia confirma unha morte máis pola covid-19 nun día en que baixou a presión hospitalaria

Esta tarde o Sergas confirmou a morte dunha muller de 77 anos con covid-19, que se produciu o xoves no CHUS. A vítima tiña patoloxías previas. Esta morte eleva a 2.368 os falecementos pola pandemia en Galicia. 

Como nas últimas semanas, a situación epidemiolóxica en meseta segue deixando lixeiras oscilacións diarias nos datos. Hoxe o Sergas informa de 2.193 casos activos (+8), tras 146 novos positivos, 122 deles detectados a través dunha proba PCR.

Por áreas sanitarias, o resultado é o seguinte:

Vigo: 603 (+3)

A Coruña: 598 (-18)

Santiago: 331 (+13)

Pontevedra: 289 (+6)

Ourense: 149 (+9)

Lugo: 148 (+6)

Ferrol: 75 (-11)

Redúcese a presión asistencial

Continúan na súa tendencia á baixa os datos referidos ás hospitalizacións. Hai en total 167 persoas ingresadas en Galicia por covid-19, a cifra máis baixa dende o primeiro de setembro. Delas 141 están en planta (-4), o mellor dato dende o 31 de agosto, e 26 (-2) permanecen nas UCI.

O Sergas notificou onte catro pasamentos por mor da doenza. Con estes falecidos van 2.367 vítimas do coronavirus dende que comezou a pandemia.

Baixa positividade

Coma no último mes e medio, a positividade permance en valores mínimos, sen exceder nunca o limiar máximo recomendado pola OMS do 5 % para dar por controlada a pandemia. Así, das 6.900 probas PCR realizadas (-115), deron positivo 122 (+24), o que implica unha taxa de positividade do 1,77 %.

 

Mapas de incidencia por concellos