Axentes da Policía Local de Vigo tiveron que abater un xabaril en pleno centro urbano da cidade. Un veciño avisou de que o vira no barrio de Coia. Os axentes intentaron afastalo da zona habitada, pero ao sentirse acurralado, o animal intentou turrar contra os policías que lle dispararon coa arma regulamentaria. O xabaril fuxiu pola rúa, pero os axentes seguírono ata uns xardíns, onde acabaron de abatelo.