A Policía Local de Lugo denunciou por maltrato animal un home que tiña no maleteiro dous leitóns vivos metidos en sacos. Os axentes viron no coche, que estaba aparcado, dous sacos que se movían. Ao inspeccionáreno, comprobaron que no seu interior había uns relos duns dous meses de vida. Tras ser liberados os animais, o seu propietario foi identificado e proposto para sanción por infrinxir a Lei de benestar animal.