En Vigo, axentes da Policía Local disolveron unha ducia de xuntanzas de pais e nenos en varios parques da cidade. E fixérono con megafonía.

Todos estaban sen respectar a distancia marcada para evitar os contaxios, os axentes tiveron que intervir onte á tarde ata en 12 ocasións. Pequenos e maiores concentrábanse aproveitando o bo tempo e persoas non conviventes interactuaban ignorando todas as medidas que levan vixentes tres semanas xa.