Cae o clan do Carpinteiro, un dos narcotraficantes máis importantes das provincias de Cádiz e de Huelva. Axentes da Garda Civil entraron no domicilio onde se agochaba o xefe da banda, que permanecía oculto e con fortes medidas de seguridade. Trátase dun dos nacortraficantes de haxix máis importantes dos que operaban na costa gaditana e onubense.

Xunto ao líder caeron o resto dos 41 membros da organización. Segundo fontes da investigación, o Carpinteiro desenvolvera nos últimos anos un sólido entramado criminal que incluía un responsable das operacións por mar e outro por terra e contaba ademais con intermediarios coas organizacións marroquís.