CRTVG

Buscar

A Pastoriza teme novos peches se non se atallan os casos detectados en tres parroquias

Publicado o 04/05/2021 14:19

Primeiro martes de mes e ao concello lugués da Pastoriza tócalle o seu habitual mercado, pero con moitos menos clientes e vendedores do habitual.

É a mostra da preocupación que se vive neste concello, cunha incidencia de 303 casos por cada 100.000 habitantes.

Unha preocupación aínda maior no comercio e na hostalería. A Pastoriza é un dos quince concellos en nivel alto de restricións. Se aumentan os casos, subirán ao máximo, sinónimo de peches.

Malia todo, confían en que pronto poidan volver á normalidade, xa que os casos semellan estar controlados.

O alcalde xa emitiu un bando pedindo máximo cumprimento das medidas de seguridade.